“Башгидрометүзәк” фаразлары буенча, якындагы өч көндә республикага, ниһаять, җәйге җылы көннәр киләчәк.
Әйтик, бүген урыны белән кыска вакытлы яңгырлар көтелә, яшенле яңгыр явачак. Җил төньяк-көнбатыштан, көнбатыштан, урыны белән көчәючән. Тәүлекнең якты вакытында һава температурасы +22,+27 градус булачак.
Иртәгә төнлә - урыны белән, көндез республика буенча кыска вакытлы яшенле яңгырлар көтелә, җил көньяк-көнбатыштан талгын исәчәк, яшенле яңгыр вакытында көчле җил. Һава температурасы төнлә +12,+17, көндез +24,+29 градуска кадәр күтәрелә.
Җомга, 24 июньдә, урыны белән кыска вакытлы яңгырлар, шулай ук, яшенле яңгыр көтелә. Җил талгын, яшенле яңгырлар вакытында көчәючән. Термометр баганалары төнлә +14,+19, көндез +21,+26, көньяк районнарда +27,+32 градус күрсәтәчәк.
Фото: ahtubinsk.ru