Ниһаять, үзәккә үткән салкын көннәр чигенә кебек. Атна ахырына республикада эссе һава торышы урнашачак.
“Башгидрометүзәк” мәгълүматларына караганда, бүген көндез төбәктә һава температурасы 22-27 градуска кадәр күтәреләчәк. Урыны белән кыска вакытлы яңгырлар явып үтәргә мөмкин, әмма җомгага алар туктаячак.
Иртәгә, 8 июльдә, явым-төшемсез һава торышы көтелә, төнлә һава температурасы 9-14 градус, көндез – 23-28 градус күрсәтәчәк, ә шимбә көнне, 9 июльдә, термометр баганасы 25-30 градуска кадәр күтәреләчәк. Җәйге эссе көннәргә әзер торыгыз, дуслар.
Фото: million-wallpapers.ru