Синоптиклар фаразлавынча, бүген, 26 сентябрьдә, Башкортстанда аязучан болытлы һава торышы сакланачак. Кайбер районнарда яңгырлар, урыннар белән көчле яңгырлар булачак. Җил көньяк-көнбатыштан секундына 3-8 метр, һава температурасы аерым районнарда төнлә +4, +9, көндез +8, +13 градус. Автомобиль юлларының аерым өлешләрендә томан булырга мөмкин.
Элегрәк хәбәр итүебезчә, бу атнадан республикада болытлы һава торышы һәм явым-төшемле циклон урнашачак. Көндез һава температурасы +9, +14 градустан артмаячак. 27 сентябрьгә каршы төндә республиканың төньяк һәм таулы районнарында карлы яңгырлар көтелә.
Фото:pikabu.ru