+15 °С
Яңгыр
Журналга язылу
Барлык яңалыклар

Болытлар түбән йөзсә...

Ял көннәренә һава торышы белән танышыйк.

Болытлар түбән йөзсә...
Болытлар түбән йөзсә...

Синоптиклар фаразлавынча, бүген, 10 ноябрьдә, көндез яңгырлар көтелә, урыны белән көчле яңгырлар булачак. Җил көньяктан, көньяк-көнчыгыштан талгын, аерым районнарда көчле. Һава температурасы +2,+7°.

Шимбә көнне, 11 ноябрьдә, кыска вакытлы яңгырлар, урыны белән уртача, көнчыгыш районнарда кар явуы ихтимал. Җил төньяк-көнбатыштан, төньяктан талгын, көндез аерым районнарда көчле. Термометр баганалары төнлә һәм көндез 0,+5° күрсәтәчәк.

Якшәмбе, 12 ноябрьдә, төнлә кар катыш яңгыр көтелә. Җил төньяк-көнбатыштан, көнбатыштан талгын. Һава температурасы төнлә -3,+2°, көндез 0,+5°.

Халык сынамышларына да игътибар итик.

10 ноябрьдә бәс - суыкка, томан - җепшек көнгә.

11 ноябрь - болытлар түбән йөзсә, чатнама суыклар көтелә.

12 ноябрь - кырпак кар төшсә, чын кыш озак көттермәс.

 

Автор:Юлия Төхбәтуллина
Читайте нас: