Июль яңгырына карап, көзне билгелә

Синоптиклар мәгълүматларына караганда, бүген, 18 июльдә, урыны белән кыска вакытлы яңгырлар, яшенле яңгырлар явачак. Җил төньяктан талгын. Көндез температура +22, +27 градус булачак.

Җомга көнне, 19 июльдә, урыны белән кыска вакытлы яңгырлар, яшенле яңгырлар көтелә. Җил төньяктан талгын. Термометр баганалары төнлә +12, +17 градус, көндез +22, +27 градус күрсәтәчәк.

Шимбә, якшәмбе көннәрендә һава торышы әллә ни үзгәрмәячәк, ди синоптиклар.

Халык сынамышларына да игътибар итик.

18 июль киче көндезгә караганда җылырак булса - яңгырга.
19 июль дымлы булса, сентябрь дә юеш булыр.
20 июль көнне яңгыр бер-ике сәгатьләп яуса - иген өчен зыянлы.
21 июль төнлә Ай тоныкланса, июль ахыры яңгырлы булыр.