Яңгырлы яллар көтә

Синоптиклар Башкортстанда яңгырлы ял көннәре фаразлый. “Башгидрометүзәк” мәгълүматлары буенча, җомга көнне, 20 сентябрьдә, кыска вакытлы яңгырлар, кайбер районнарда яшенле яңгырлар булачак. Җил көнбатыштан талгын. Көндез температура +15,+20 градус булачак.

Шимбә көнне, 21 сентябрьдә, шулай ук урыны белән бераз яңгыр явуы ихтимал. Җил көнбатыштан талгын. Һава температурасы төнлә +6,+11 градус, көндез +13,+18 градус.

Якшәмбе көнне, 22 сентябрьдә, урыны белән төнлә, көндез республикада бераз яңгырлар явуы көтелә. Җил көнбатыштан, төньяк-көнбатыштан талгын, көндез кайбер районнарда көчле җил чыгуы көтелә. Һава температурасы төнлә +6,+11 градус, көндез +12,+17 градус.