Бәрхет чәчәк – бакчачылар өчен чын табыш!

Бәрхет чәчәк  - ул җәй буена, хәтта көзен дә күзләрне сөендерүче матур һәм хуш исле үсемлек генә түгел. Алар, чәчәк атып беткәч, бакчачылар өчен чын табыш та була ала. Корыган үсемлекләрне җыеп, ташларга ашыкмагыз.

Беренчедән, бәрхет-чәчәк туфракның уңдырышлылыгын сизелерлек арттыра. Үсемлекнең барлык өлешләрендә булган фитонцидлар суган һәм кишер чебене, шулай ук кәбестә корткычлары белән көрәшү өчен нәтиҗәле ысул.

Чәчәк атканнан соң бәрхетләрне тизрәк җыярга ашыкмагыз. Аларны ваклап түтәлләргә салырга яки җир белән бергә казып алырга мөмкин. Бу туфракны азот, калий һәм фосфор белән баета, аның структурасын яхшырта, йомшаграк һәм уңдырышлырак итә. Моннан тыш, бәрхетләрне туфракка салу тычканнарны куркытырга да ярдәм итә.

Әгәр дә сезнең җиләк түтәлләрегездә дә корткычлар булса, җиләк араларына вакланган бәрхет чәчәкләре сибегез. Бу үсемлекләрне саклап кына калмыйча, аларның үсешен дә яхшыртачак.

Компост турында онытмагыз! Бәрхетләр компостны файдалы матдәләр белән баета.