Чыпчыклар чыркылдашса, көн җылыта

Башкортстан синоптиклары ял көннәренә һава торышын хәбәр итте.

“Башгидрометүзәк” мәгълүматлары буенча, бүген, шимбә көнне, урыны белән юеш кар һәм яңгыр явуы, бозлавык булуы көтелә. Җил көньяктан талгын. Төнлә-0, -5 градус, көньяк-көнчыгыш районнарда -10 градуска кадәр суыта, көндез -2, +3 градус.

Якшәмбе көнне, 24 ноябрьдә, сизелерлек явым-төшем булмаячак. Җил көньяк-көнчыгыштан талгын. Төнлә-0, -5 градус, көньяк-көнчыгыш буенча -10 градуска кадәр, көндез - 1, +4 градус булачак.

Халык сынамышларына да колак салыйк. 23 ноябрьдә томан җиргә кадәр төшеп, чыпчыклар чыркылдашса, җепшек кар явар.

24 ноябрь көнне суык, аяз булса, ике-өч көндә һава торышы бозылыр.

Автор фотосы.