-14 градуска кадәр суыта!

25 ноябрьдә иртән вак яңгыр сибәләсә, кичкә суытыр, дигән халык сынамышы бар. Иртән көн аяз булса да, алдагы көннәрдә суытачак, дип фаразлыйлар.

Синоптиклар мәгълүматларына караганда, бүген, 25 ноябрьдә, явым-төшем көтелми. Җил көньяк-көнчыгыштан талгын исәчәк. Көндез һава температурасы -2, +3 градус тәшкил итәчәк.

Сишәмбе һәм чәршәмбе, 26 һәм 27 ноябрьдә, явым-төшемсез. Алмашынучан юнәлештәге җил талгын исәчәк Термометр баганалары төнлә -3, -8 градус, урыны белән -9, -14 градуска кадәр, көндез -2, +3 градус күрсәтәчәк.

Билгеле булуынча, бүген иртән республиканың кайбер районнарында һава температурасы -13 градуска кадәр төшкән иде.

Автор фотосы.