Бүген чәүкәләрне күзәтегез!

26 ноябрьдә чәүкәләр чыркылдашса, җепшек көнгә. Халык сынамышлары шулай, ди.

Синоптиклар фаразлары буенча, алдагы өч көндә республикада -16 градуска кадәр суытачак. Бүген, 26 ноябрьдә, явым-төшем көтелми. Җил көнчыгыштан талгын исәчәк. Төнлә һава температурасы -4,-9 градус, урыны белән -11,-16 градуска кадәр төшәчәк, көндез 0,-5 градус, урыны белән +3 градус булачак.

Чәршәмбе һәм пәнҗешәмбе, 27 һәм 28 ноябрьдә, шулай ук явым-төшемсез булачак. Термометр баганалары төнлә -5,-10 градус, урыны белән -11,-16 градуска кадәр, көндез 0,-5 градус күрсәтәчәк.

Автор фотосы.