Декабрь нинди булачак?

Кышның беренче көннәре соңгы берничә елда иң җылыларның берсе булырга мөмкин.

1 декабрьдә Русиядә рәсми рәвештә кышкы сезон башланды. Көз ахыры Мәскәүдә, Санкт-Петербургта һәм Үзәк Русиянең башка төбәкләрендә, шулай ук, Башкортстанда да аномаль җылы һава торышы белән истә калды. Синоптиклар фаразлары буенча, кышның башы шулай ук йомшак булырга вәгъдә итә, карлы-яңгыр һәм кар күп явачак. Яңа елга температура сизелерлек төшәчәк, берничә төбәктә күпләп кар ятачак.

Республикада декабрьдә һаваның уртача айлык температурасы нормадан 1,5 градустан югарырак булыр дип көтелә (норма -10,8 градус). Русия Гидрометүзәге мәгълүматларына караганда, айлык явым- төшем нормага якын— 30-50 мм булыр дип көтелә.

Дүшәмбе көнне, 2 декабрьдә, вакыты белән бераз кар явачак. Җил көнбатыштан талгын исәчәк. Термометр баганалары төнлә -1,-6 градус, аязытканда -11 градус, көндез +1,-4 градус күрсәтәчәк.

Сишәмбе, 3 декабрьдә, урыны белән бераз кар явуы көтелә. Җил көнбатыштан уртача. Төнлә -1, -6 градус, аязытканда -11 градус , көндез +1, -4 градус торачак.

Автор фотосы.