Әгәр декабрьдә кар аз булса...

Декабрьдә кар аз булса, җәй коры килә.
Декабрьдә кара каргалар күренә икән, кыш җылы була.
Карсыз декабрь — коры яз билгесе.
Декабрь башында көчле бураннар, кар яуса, июнь башында яңгырлар була.
Декабрь җилле икән, март җылы була.
Декабрь җылы булса, кыш озакка сузыла, яз салкын була, соңара.
Декабрьгә җир туңса, кар көртләре булса, уңыш уңа.

Әгәр кышның беренче көнендә кара карга күрсәгез, кыш җылы булыр.

2 декабрьдә аяз һава кышның салкын килүе турында сөйли. Әгәр бу көнне кар төшсә, гыйнварга кадәр чатнама суыклар көтмәгез.

3 декабрь көнне кар яуса, 3 июньдә көчле яңгыр явар. Әгәр киресенчә булса, җәй иртә килер.

4 декабрьдә күктә күп санлы болытлар күренсә, тиздән суытачак. Буран – җылы һәм карсыз кыш башлануы турында сөйли.

5 декабрь көнне көчле суык булса, димәк, тиздән, бураннар башланыр.

6 декабрьдә кар төшсә, суыклар көтегез. Әгәр бу көнне җепшек икән, Яңа елга кадәр кыш җитмәс.

Автор фотосы.