Март башы салкын булырмы?

Халык сынамышларына күз салсак, 27 февраль көнне җылы һава торышы булса, март аеның башы суык булачак, дигән борынгылар.

Иртәгә республиканың таулы районнарында +2 градуска кадәр җылытачак, дип хәбәр итәләр төбәк синоптиклары.

“Башгидрометүзәк” мәгълүматларына караганда, бүген көндез урыны белән бераз кар явачак. Җил төньяк-көнчыгыштан уртача исә. Көндез температура -4, -9 градус, таулы районнарда 0 градуска кадәр.

Җомга көнне, 28 февральдә, сизелерлек явым-төшем булмаячак. Җил төньяктан талгын исәчәк. Һава температурасы төнлә -11, -16 градус, урыны белән -20, -25 градуска кадәр салкын, көндез -3, -8 градус, таулы районнарда +2 градуска кадәр җылытачак.

Язның беренче көнендә, 1 мартта, элеккечә үк  явым-төшемсез. Җил төньяктан талгын исәчәк. Һава температурасы төнлә -11, -16 градус, урыны белән -20, -25 градус салкын, көндез -3, -8 градус, таулы районнарда +2 градуска кадәр җылы булачак.

Автор фотосы.