Май ае салкын килерме?

Май аенда Русия халкын аномаль салкыннар көтә. Синоптиклар фаразлавынча, бу хәл 1885 елгы язны хәтерләтәчәк. Аеруча төньяк-көнбатыш төбәктә – Санкт-Петербургта – көндез +4 градус тирәсе, ә төнлә – 0 градустан түбән булуы ихтимал. Кар, яңгыр, көчле җил көтелә. Кешеләр яңадан кышкы киемнәрен чыгарырга мәҗбүр булачак.

Себердә төнге салкыннар озакка сузылачак, ә көндез +7 градустан югары күтәрелмәячәк. Бу авыл хуҗалыгы өчен зур проблемалар тудыра: туфрак суык, үсемлекләр үсеше акрынаячак, ә чәчү эшләре кичектереләчәк.

Үзәк Русиядә, шул исәптән Мәскәүдә, һава торышы уңайрак булса да, синоптиклар кисәтүенчә, салкыннар монда да булырга мөмкин.

Автор фотосы.