Быел җәй җылы килерме?

Халык сынамышларына караганда, 21 апрельдә көн кояшлы икән, җәй җылы килер. Көн бозылып торса, икмәк уңмас, дигәннәр.

Бүген, 21 апрельдә, урыны белән янә кыска вакытлы яңгыр көтелә. Җил көньяк-көнбатыштан уртача, көндез көчле җил чыгачак. Термометр баганалары төнлә +7,+12 градус, көндез +20,+25 градус күрсәтәчәк.

Сишәмбе, 22 апрельдә, сизелерлек явым-төшем булмаячак. Җил көньяк-көнбатыштан уртача, көндез көчле җил көтелә. Һава температурасы төнлә +8,+13 градус, урыны белән +3 градус, көндез +20,+25 градуска кадәр күтәреләчәк.

Чәршәмбе көнне, 23 апрельдә, явым-төшемсез, көндез урыны белән кыска вакытлы яңгыр явуы ихтимал. Җил көньяк-көнбатыштан, көнбатыштан уртача, көндез урыны белән кискен. Һава температурасы төнлә +8,+13 градус, урыны белән +3, көндез +20,+25 градуска кадәр күтәрелә, төньякта +15 градус булачак.

Автор фотосы.