Җиңү көне нинди булачак?

Алдагы өч көндә Башкортстанда һава торышы үзгәреп торачак. Синоптиклар фаразлавынча, бүген, 7 майда, көндез явым-төшем көтелми. Җил төньяктан уртача, урыны белән кискен исәчәк. Көндез һава температурасы +17,+22 градуска кадәр җылы булачак.

Пәнҗешәмбе, 8 майда, урыны белән кыска вакытлы яңгыр явачак, көндез көньякта яшенле яңгырлар булырга мөмкин. Җил төньяктан талгын исәчәк. Һава температурасы төнлә +5,+10 градус, көндез +17,+22 градус җылы булачак.

9 майда, бәйрәм көнне төнлә урыны белән, көндез республика буенча кыска вакытлы яңгыр явып узачак, яшенле яңгырлар да булуы мөмкин. Җил, шулай ук, төньяктан исәчәк. Һава температурасы төнлә +6,+11 градус, көндез +15,+20 градус җылы.

Автор фотосы.