Бүген күк күкрәп, яшен яшьнәсә...

Бүген, 21 июньдә, республикада кыска вакытлы яңгырлар көтелә, урыны белән көчле, кайбер районнарда яшен, көндез боз-борчак явуы ихтимал. Җил көньяк-көнбатыштан  талгын, урыны белән көчле. Көндез температура +14,+19 градус булачак.

Якшәмбе, 22 июньдә, урыны белән төнлә һәм көндез республикада кыска вакытлы яңгырлар, кайбер районнарда яшен, боз явуы көтелә. Җил көньяк-көнбатыштан, көнбатыштан талгын, көндез урыны белән көчле җил булуы ихтимал. Һава температурасы төнлә +7,+12 градус, көндез +15,+20 градус.

Дүшәмбе көнне, 23 июньдә, шулай ук кыска вакытлы яңгырлар, яшенле яңгырлар булуы ихтимал. Җил көньяк-көнбатыштан, төньяк-көнбатышка күчүчән, талгын. Һава температурасы төнлә +6,+11 градус, көндез +15,+20 градус.

Халык сынамышларына да игътибар итик, дуслар.

21 июньдә күк күкрәп, яшен яшьнәсә – көчле яңгырга.
22 июнь – печәнгә төшәр вакыт. Җир җиләге пешә башлый.
23 июньдә салават күпере чыкса, икмәк мулдан булмый.