Ял көннәре кояшлы булачак!

Алдагы атнаның беренче көннәрендә төбәктә җылы һава торышы көтелә, һава температурасы нормадан 2-4 градуска югарырак булачак, дип хәбәр итә “Башгидрометүзәк” синоптиклары. Шул ук вакытта Башкортстанның кайбер районнарында, бигрәк тә көнбатыш районнарда явым-төшем булуы ихтимал.

Быел октябрь туктаусыз яуган яңгырлары белән истә калачак. Синоптиклар  белдерүенчә, октябрьдә айлык явым-төшем нормасының 70 проценты яуган.

Якындагы шимбә һәм якшәмбе көннәре яңгырсыз узачак, чөнки төбәк өстендә Көньяк Уралга күчкән антициклон урнашачак.

Төнлә һәм иртән урыны белән томан төшәчәк.

Төнлә һава температурасы -3,+2 градус, республиканың көнчыгышында -8 градус, көндез +5,+10 градус булачак.  26 октябрьдә +7,+12 градуска кадәр күтәреләчәк.

Автор фотосы.