Карлы яңгырлар көтелә

Синоптиклар мәгълүматларына караганда, бүген, 18 ноябрьдә, урыны белән җепшек кар явачак, кайбер районнарда бозлы яңгыр, юлларда бозлавык булуы көтелә. Җил көньяктан, көньяк-көнчыгыштан талгын. Көндез һава температурасы 0,+5 градус тәшкил итәчәк.

Чәршәмбе, 19 ноябрьдә, төнлә урыны белән бераз яңгыр, көнчыгыш районнарда кар, көндез яңгыр явачак. Җил көньяктан көнбатышка күчүчән талгын, урыны белән көчле. Термометр баганалары төнлә -2,+3 градус, көндез +2,+7 градус күрсәтәчәк.

Пәнҗешәмбе көнне, 20 ноябрьдә, урыны белән бераз яңгыр явуы көтелә, көньяк районнарда кар явуы көтелә. Җил көнбатыштан талгын. Төнлә -3,+2 градус, көндез -1,+4 градус.

Авто фотосы.