30 градус салкыннарга әзерсезме?

"Башгидромет" мәгълүматлары буенча, бүген төбәктә бераз кар, бозлы яңгыр явачак, урыны белән бозлавык. Җил көньяк-көнбатыштан, көньяктан уртача, көндез урыны белән кискен. Көндез температура -3, -8 градус.

Җомга, 19 декабрьдә, кар һәм җепшек кар явуы, урыны белән бозлавык, юлларда кар сырытылары көтелә. Җил көньяктан, төньяк-көнбатышка күчеп, уртача. Төнлә һава температурасы -4, -9 градус, көндез 0, -5.

Шимбә, 20 декабрьдә, төнлә һәм көндез урыны белән бераз кар явуы көтелә. Җил төньяктан уртача. Төньяк төбәктә төнлә - 15, -20 , аязытканда - 22, -27 градуска кадәр, көндез - 14, -19; көньяк төбәктә төнлә һәм көндез -8, -13 градус булачак.

Алдагы атнада метеосайтлар көчле салкыннар, һава температурасының 30 градуска кадәр төшүен фаразлый.

Автор фотосы.