Зәмһәрир салкыннар киләчәк

Декабрь җылы көннәре белән дә, каты салкыннары белән дә сюпризларга бай булды.

Башкортстанга чын-чынлап каты салкыннар киләчәк. Әйтик, бүген, 24 декабрьдә, төбәктә салкынрак булачак, дип фаразлый “Башгидрометүзәк” синоптиклары.

Бераз кар явуы көтелә, урыны белән уртача, кайбер районнарда бозлавык. Җил төньяк-көнбатыштан уртача исәчәк. Көндез термометр баганалары -20, -25 градус, көньякта -6, -11 градус күрсәтәчәк, кичкә -13, -18 градуска кадәр төшәчәк.

Иртәгә, 25 декабрьдә, урыны белән бераз кар явуы көтелә. Җил юнәлешен үзгәртми, төньяк-көнбатыштан исәчәк. Һава температурасы төнлә -25, -30 градус, аязытканда -31, -36 градуска кадәр салкын, көндез -20, -25 градус, урыны белән -30 градуска кадәр җитәчәк.

Автор фотосы.