Әгәр көн җилле булса...

Федераль метеосайтлар мәгълүматлары буенча, алдагы көннәрдә Башкортстанда һава торышының еш алмашынуы көтелә.

Бүген, 29 декабрьдә, республикада 8-11 градус салкын булачак, бераз кар явуы ихтимал. Иртәгә, 30 декабрьдә, һава торышы артык үзгәрмәячәк. Ә менә 31 декабрьдә безне җылы һава торышы көтә, урамда күбәләкләп кар да явачак әле. Яңа ел көнендә һава температурасы көндез минус 5 градус булачак. Карның тәүлеклек интенсивлыгы 2,3 миллиметрга җитәчәк.

Халык сынамышларына да игътибар итик әле, дуслар.

29 декабрьдә  суык һәм әче җил — Раштуа салкыннарының дәвамлы булуы турында сөйли. Болытлы, җилле көн — кинәт җылытуга.

30 декабрь көнне кар яуса, Яңа ел төне суык булыр.

31 декабрь көнне еларга һәм күңелсезләнергә ярамый, юкса, ел буе шундый кәеф озата барачак.

Автор фотосы.