Чын кыш шундый булырга тиеш тә!

Синоптиклар фаразлавынча, алдагы өч көндә Башкортстанда салкын булачак. Бүген, 15 гыйнварда, явым-төшемсез, аяз һава торышы көтелә. Җил көнчыгыштан талгын, көньяк-көнчыгышта көчле. Көндез температура -10,-15°, урыны белән -20°.

Җомга көнне, 16 гыйнварда, шулай ук явым-төшемсез булачак. Җил төньяк-көнчыгыштан, көнчыгыштан талгын, көньяк-көнчыгыштан көчле тизлек белән исәчәк. Һава температурасы төнлә -17, -22°, урыны белән -24, -29°, көндез -10, -15°, урыны белән -20°.

Шимбә көнне, 17 гыйнварда, һава торышы сизелерлек үзгәрмәячәк. Җил төньяк-көнчыгыштан, көнчыгыштан талгын, һава температурасы төнлә -17, -22°, урыны белән -24, -29°, көндез -10, -15°, урыны белән -20°.

Халык сынамышларына колак салыйк.

15 гыйнвар төнендә төшкән томан исә, көчле суыклар хакында искәртә.

16 гыйнвар көнне җылы һәм аяз булса, яз иртә килер, ә көн суык булса, озын һәм суык кыш көтегез.

17 гыйнварда көн суык һәм аяз икән, февраль дә суык булыр. Шуңа карамастан, яз үзвакытында килә.

Автор фотосы.