Салкын көннәр озаккамы?

Алдагы өч көндә Башкортстанда салкын һава торышы сакланачак, дип хәбәр итә төбәк синоптиклары.

“Башгидрометүзәк” мәгълүматлары буенча, бүген урыны белән бераз кар явачак. Алмашынучан юнәлештәге җил талгын. Көндез һава температурасы -15, -20, урыны белән -25 градуска кадәр.

Дүшәмбе көнне, 26 гыйнварда, урыны белән бераз кар явачак. Алмашынучан юнәлештәге җил талгын. Төнлә -23, -28 градус, аязытканда -30, -35, көндез -15, -20 градус, урыны белән -25 градуска кадәр.

Сишәмбе, 27 гыйнварда, төнлә явым-төшемсез, көндез урыны белән бераз кар явуы ихтимал. Җил көньяк-көнбатыштан талгын. Төнлә температура -23 -28 градус, аязытканда -29, -34, көндез -13, -18 градус булачак.

Автор фотосы.