Кинәт җылыта!

Синоптиклар фаразлары буенча, Башкортстанда март ахырында һава торышы аномаль җылы булачак.

“Башгидрометүзәк” мәгълүматлары буенча, бүген, 26 мартта, сизелерлек явым-төшем көтелми. Кайбер районнарда томан булачак. Җил көньяк-көнчыгыштан талгын исәчәк. Көндез һава температурасы +10,+15 градус җылы булачак.

27 һәм 28 мартта төбәктә шулай ук явым-төшем көтелми. Җил көнчыгыш чиректә уртача, көндез урыны белән кискен исәчәк. Термометр баганалары төнлә 0,-5 градус, урыны белән +5 градус, көндез +11,+16 градус күрсәтәчәк.

Автор фотосы.