Апрель җәй кебек булачак

28 мартта акчарлаклар очып килсә, апрель җәй кебек булыр, дигән сынамыш бар халыкта. Халык сынамышлары синоптиклар фаразлары белән дә туры килерме?

“Башгидрометүзәк” мәгълүматы буенча республикага җылы килде. Ял көннәрендә Башкортстанда +21 градуска кадәр җылытачак

Бүген, 28 мартта, көндез урыны белән бераз яңгыр явачак. Җил көнчыгыштан, көньяк-көнчыгыштан уртача, урыны белән кискен исәчәк. Һава температурасы төнлә -2, +3, көндез +13, +18 градуска кадәр җитә.

Якшәмбе көнне, 29 мартта, сизелерлек явым-төшем булмаячак. Җил көнчыгыштан, уртача, көндез урыны белән кискен исәчәк. Һава температурасы төнлә 0, -5, урыны белән +5 градус, көндез +11, +16 градус, урыны белән +21 градуска кадәр күтәреләчәк.

Шимбә төнлә һәм иртән юлларның аерым участокларында томан, күз күреме 500-1000 метрга кадәр начарая.

Автор фотосы.