Әгәр сулар агып бетмәсә...

24 апрельгә сулар агып бетмәсә, яз соңга кала, ди халык сынамышы. Ә синоптиклар ялларга нинди һава торышы вәгъдә итә?

Синоптиклар мәгълүматларына караганда, җомга көнне, 24 апрельдә, бераз яңгыр явачак. Җил көньяктан, көньяк-көнбатыштан уртача, урыны белән кискен исәчәк. Көндез һава температурасы +6,+11 градус булачак.

Шимбә көнне, 25 апрельдә, урыны белән уртача яңгырлар көтелә, төньякта төнлә карлы яңгыр явачак. Җил көньяктан, көньяк-көнбатыштан уртача, урыны белән көчле җил чыгачак. Һава температурасы төнлә 0,+5 градус, аязытканда -5 градус салкын, көндез +7,+12 градус булачак.

Якшәмбе көнне, 26 апрельдә, төнлә урыны белән бераз карлы яңгыр явып үтәчәк, көндез явым-төшемсез. Көньяк чиректәге җил уртача, көндез урыны белән кискен исәчәк. Һава температурасы төнлә - 0,+5 градус, аязытканда -5 градус салкын, көндез +8,+13 градус торачак.