Май аенда җәй җитте!

Синоптиклар фаразлары буенча, бүген, 6 майда, сизелерлек явым-төшем көтелми, көндез көньякта кыска вакытлы яңгырлар, яшенле яңгыр явуы ихтимал. Җил көнчыгыштан, көньяк-көнчыгыштан уртача исәчәк. Һава температурасы көндез +20,+25 градус булачак.

Пәнҗешәмбе көнне, 7 майда, урыны белән төнлә, көндез республикада кыска вакытлы яңгырлар, яшенле яңгырлар көтелә. Җил төнлә алмашынучан, көндез төньяк-көнчыгыштан уртача исәчәк. Һава температурасы төнлә +7,+12 градус, көндез +21,+26 градус җылы булачак.

Җомга көнне, 8 майда, шулай ук урыны белән кыска вакытлы яңгырлар, яшенле яңгырлар. Төнлә алмашынучан юнәлештәге җил йомшак, көндез төньяк-көнчыгыштан, төньяктан уртача. Һава температурасы төнлә +7,+12, көндез +18,+23 градус булачак.

Автор фотосы.