Бүген тузганак чәчәкләрен күзәтегез!

23 майда яңгыр яуса, җәй яңгырлы килер. Тузганак чәчәкләре төштән соң ябылса, яңгыр явар, дип юраган борынгылар.

Бүген, 23 майда, болытсыз, явым-төшемсез һава торышы көтелә. Җил көньяк-көнбатыштан, көнбатыштан секундына 3-8 метр тизлектә, көндез урыны белән секундына 13 метр тизлектә исәчәк. Һава температурасы төнлә +7, +12 градус, көнчыгышта +2, көндез +24, +29 градус тәшкил итәчәк.

24 майда явым-төшем булмаячак, көндез төньяк районнарда бераз яңгыр явачак. Җил көньяк-көнбатыштан уртача, көндез төньяктан көчле җил исәчәк. Һава температурасы төнлә +9, +14 градус, көнчыгышта +4, көндез +24, +29 градус булачак.
“Башгидрометүзәк” белгечләре хәбәр итүенчә, алдагы атна башында атмосфера басымы төшәчәк, республиканың төньягында яңгырлар явуы ихтималы артачак.

Чәршәмбе көнне Уралга Русиянең төньяк-көнбатышыннан циклон күчәчәк, дип белдерә синоптиклар. Һава температурасының түбәнәюе һәм төрле интенсивлыктагы яңгырлар көтелә.

Автор фотосы.