Ике көн кызынып калыгыз!

Синоптиклар Башкортстанда яңа эш атнасына һава торышын фаразладылар. “Башгидрометүзәк” мәгълүматлары буенча, дүшәмбе, 25 майда көндез һава температурасы +24,+29 градуска кадәр күтәреләчәк. Җил көньяк-көнбатыштан уртача, көндез урыны белән көчле җил чыгачак.

Сишәмбе, 26 майда, төнлә явым-төшемсез, көндез урыны белән кыска вакытлы яңгырлар, яшенле яңгырлар булуы ихтимал. Җил көньяктан, көньяк-көнбатыштан уртача, көндез урыны белән көчле җил исәчәк. Һава температурасы төнлә +11,+16 градус, көнчыгышта +5, көндез +25,+30 градуска кадәр күтәреләчәк.

Чәршәмбе, 27 майда, кыска вакытлы яңгырлар, яшен, көндез көчле яңгыр, боз явуы көтелә. Җил көньяк-көнбатыштан уртача, урыны белән көчле җил чыгачак. Һава температурасы төнлә +9,+14, көндез +17,+22 градус тәшкил итәчәк.

Автор фотосы.