Яңгырлар еш явачак...

 “Башгидрометүзәк” синоптиклары Башкортстанда июнь аена һава торышын фаразлады. Билгеле булуынча, һаваның уртача тәүлеклек температурасы нормага якын булачак (норма +17,4 градус). Ә менә айлык явым-төшем нормадан якынча һәм күбрәк булыр дип көтелә (норма 50-70 мм).

Әйтик, бүген, 2 июньдә, кыска вакытлы яңгырлар, урыны белән яшенле яңгырлар булачак. Җил көньяктан уртача, яшен вакытында кискен исәчәк. Һава температурасы көндез +14, +19 градус тәшкил итәчәк.

Чәршәмбе, 3 июньдә төнлә урыны белән, көндез республика буенча кыска вакытлы яңгырлар, көньяк-көнчыгышта көчле, кайбер районнарда яшенле яңгырлар. Җил көньяк-көнбатыштан, төньякка күчеп, уртача исәчәк, көндез урыны белән көчле җил чыгачак. Төнлә термометр баганалары +5, +10, көндез +16, +21 градус күрсәтәчәк.

Автор фотосы.