Бүген бакалар сикерешсә...

“Башгидрометүзәк” хәбәр иткәнчә, бүген, 27 июньдә, республикада кыска вакытлы яңгырлар, урыны белән яшенле яңгырлар һәм боз явуы көтелә.

Һава шартлары тотрыксыз булачак. Көнчыгыштан көчле җил көтелә, көнбатышка күчүчән, урыны белән көчле. Һава температурасы төнлә +9, +14°, көндез +17, +22°.

Халык сынамышларына колак салыйк:

27 июнь көнне бакаларның коры җирдә сикерешүен күрсәгез, яңгыр көтегез.
28 июнь – иртәдән кыздырса, кичкә яшенле яңгыр булачак.
29 июнь көнне яңгыр яуса, аның тамчысына карагыз. Әгәр эре икән, ул иртәгә яумый, вак, пыскып торса, бер-ике көн дәвам итә.
30 июнь көн аяз булса, җылы көз килә. Яңгыр яуса, көз дә яңгырлы була.

Автор фотосы.