Әгәр иртәгә яңгыр яуса...

5 июльдә яңгыр яуса, икмәк уңар, дигән сынамыш бар халыкта. Ә менә төбәк синоптиклары нинди фаразлар бирә?

 “Башгидрометүзәк” белгечләре 5 июльгә һава торышы фаразларын җиткерде. Төбәктә, ниһаять, бик яхшы җәйге һава торышы көтелә: алмашынучан болытлы һава, сизелерлек явым-төшем булмаячак. Һава температурасы көндез 30 градуска кадәр күтәреләчәк. Көндез урыны белән бераз яңгыр, яшен булырга мөмкин. Җил төнлә көньяк-көнбатыштан талгын исәчәк, көндез көчлерәк җил көтелә, яшен вакытында тизлеге секундына 14 метрга кадәр җитәчәк, дип хәбәр итә белгечләр.

Автор фотосы.