Әгәр июль эссе булса...

Июль эссе булса, декабрь суык килә, дигән сынамыш бар халыкта. Синоптиклар фаразларына да колак салыйк әле.

Бүген, 27 июльдә, явым-төшемсез булачак. Һава температурасы төнлә +18, +22, көндез +31, +36 градус, урыны белән көчле эсселек +38 градуска кадәр булыр дип фаразлана.

Сишәмбе көнне, 28 июльдә, төнлә явым-төшемсез, көндез урыны белән бераз яңгыр, яшенле яңгыр явачак. Җил көньяктан, көньяк-көнчыгыштан уртача, көндез урыны белән кискен исәчәк. Һава температурасы төнлә +18, +23, көндез +29, +34 градуска күтәреләчәк.

Чәршәмбе, 29 июльдә, урыны белән республикада кыска вакытлы яңгырлар, яшен көтелә. Төнлә алмашынучан юнәлештәге җил талгын исәчәк, көндез көньяк-көнчыгыштан уртача, яшен вакытында җил көчәя. Һава температурасы төнлә +16, +21, көндез +29, +34 тәшкил итәчәк.