Балалы гаиләләргә - дәүләт ярдәме!

Әти-әниләр, сезнең өчен шәп яңалык бар. Ул гаиләдә икенче, өченче балалары туучыларга кагыла.

2018 елның 1 гыйнварыннан 2022 елның 31 гыйнварына кадәр икенче яисә өченче бала туган гаиләләргә торак сатып алу өчен бирелгән ипотека кредиты 6 процент тәшкил итүе турында карар кабул ителде.

Субсидияләү торак беренчел базарда сатып алынганда гына башкарыла һәм аның срогы икенче баласы туган гаиләләр өчен — өч ел, өченче баласы туса, биш ел тәшкил итә. Субсидияләү программасына элек банклар рефинанслаган кредитлар да кертелә ала.