Тагын бер үсмер газ иснәп үлгән

Октябрьский шәһәрендә яшәүче 12 яшьлек малай “шаярып” кына газ баллончыгындагы газны иснәп карарга булган. Соңрак аның хәле начарая башлаган — үсмер һушын югалтып егылган.

— Якында булган кешеләр “ашыгыч ярдәм” чакырган, кызганычка каршы,табиблар килгәндә, малайның йөрәге тибүдән туктаган булган, — дип белдерә төбәк буенча Тикшерү комитетының матбугат хезмәте.

Әлеге фаҗигале очрак буенча тикшерү эше башланган.