Талпан чоры бетте, димәгез!

Республикада талпаннарның активлыгы кимегән, ләкин алар һаман хәвефле булып кала.

Бүгенге көнгә талпан кадалу сәбәпле Уфаның медицина учреждениеләренә 646 кеше, шул исәптән 222 бала мөрәҗәгать иткән. Быел балалар саны кимрәк: былтыр 834 кеше, шул исәптән 342 бала табибларга күренгән булган.

Бәхеткә, быел талпан энцефалиты белән авыручылар булмаган. Былтыр ике очрак теркәлгән булган. Агымдагы елда Уфада талпан боррелиозы белән 9 кеше зарарланган, алар арасында балалар юк.

Әти-әниләр урманга, яланга чыкканда талпаннардан саклану кагыйдәләрен балаларга алдан аңлатсын, аларга карата игътибарлы булсын иде.