Сулагайны үзгәртергә тырышмагыз да...

Сулагай баланы уң кулына күчерергә тырышу аңарда тотлыгу, энурез, нерв, тире һәм психик авырулар китереп чыгаруга сәбәпче булырга мөмкин. Бу хакта Мәскәүнең психологик ярдәм күрсәтү хезмәте психологы Дарья Круть белдергән.

Аның әйтүенчә, шулай үзгәртергә тырышу баланың үсешенә кире йогынты ясый һәм мәктәптә төрле катлаулыклар китереп чыгарырга мөмкин. Бу язуда һәм укуда проблема тудыруга да сәбәпче була.

Сулагайлап язучы баланы уң кулга өйрәткән очракта да, ул холыксыз һәм ярсу була, аның аппетиты һәм йокысы бозыла, башы еш авырта һәм тиз арый башлый.