Укучыга портфельне ничек сайларга?

Яңа уку елы башланырга санаулы гына көннәр калды. Күпчелек әти-әниләр улына яисә кызына мәктәп формасы, уку кирәк-яраклары алып өлгергәндер, ә кайсылары сайлап кына йөридер. Мәктәпкә баручы балага портфельне дөрес сайлауга да бик җитди карарга кирәк. Аның үз таләпләре бар.

“Роспотребназор” таләпләре буенча беренче сыйныф укучысының портфель авырлыгы — 700 граммнан, ә дәреслекләр һәм дәфтәрләр авырлыгы 1,5 килограммнан артмаска тиеш. Сумканың үз формасын тота торган каты артлы булуы һәм баланың аркасына тулысынча терәлеп торуы мотлак.

Портфельнең биеклеге —22-26, киңлеге — 6-10 , кулбаштагы каешның озынлыгы 60-70 сантиметр булуы яхшы.