Дуванда бала ике магнит кисәге йоткан...

Дуван районының Мәсәгуть үзәк район дәваханәсенә эче авыртуга зарланган малайны алып киләләр. Табиблар тикшеренүләр үткәргәннән соң, балага ашыгыч рәвештә операция ясый.

Малайның эчәгеннән ике магнит алалар. Алар эчәкне кыскан килеш бер-берсенә ябышкан һәм некроз башланган була. Бәхеткә, бала исән кала.

Табиблар белдерүенчә, әгәр бала магнит кебек тимер кисәге йотса, әти-әниләргә бу проблеманы үзләренә генә хәл итәргә ярамый. Мондый очракта вакытны әрәм итмәскә, тиз арада табибларга мөрәҗәгать итәргә кирәк. Әти-әниләр үзләре дә моны аңламыйча, хәлне катлауландыра: баланы костырырга тырыша, каты ризык ашатып, магнитны чыгармакчы була, яисә күп итеп су эчерә. Вакытында дәваханәгә бару - баланың гомерен саклап калу дигән сүз.