-11 °С
Болытлы
Журналга язылу
Барлык яңалыклар
Әти-әниләр колагына
25 ноябрь 2019, 17:30

“Башыма кияргә юк...”

Урамда акча сорап йөргән малай турындагы видео белән төбәк Тикшерү комитеты кызыксынган.

Шушы көннәрдә социаль челтәрләрдә Бөре шәһәрендә 10 яшьлек малайның урамда кешеләрдән киемгә акча соравы турында видеоязма таралды. Баланың сүзләренә караганда, аның курткасы һәм бияләйләре генә бар. Ә менә башлык сатып алырга акчасы юк.
“Минем хакта барысы да белә инде: полиция дә, ашыгыч ярдәм дә, опека органнары да”, — ди малай әлеге видеоны төшерүче очраклы шоферга. — Әти-әни өйдә исерек...”
Башкортстан буенча Тикшерү комитеты “Балигъ булмаганнарны тәрбияләү бурычларын үтәмәү” дигән җинаять маддәсе билгеләре буенча тикшерү башлган. Криминалистлар баланың әти-әнисеннән, бу хәлнең шаһитларыннан сорау ала. Шуннан соң җинаять эшен кузгату турында карар кабул ителәчәк.
Фото: социаль челтәрләрдән.
Читайте нас в