Тәрбияче сабыйның иренен ярган

Новороссийк шәһәре хокук сакчылары балалар бакчасында алты яшьлек кызның ирене ярылу факты буенча тикшерү башлаган. Баланың зыян күрүендә әти-әнисе тәрбиячене гаепли.

Әнисе сүзләренә караганда, төшке ашка балык ашы бирәннәр, кыз ашарга теләмәгән. Тәрбияче баланы кашык белән көчләп ашатмакчы булган. Нәтиҗәдә, баланың аскы ирене ярылган һәм гематома барлыкка килгән. Балалар бакчасында исә бу күренешне кыз уен вакытында бәрелде, дип аңлатмакчы булганнар.

Хатын хокук саклау органнарына гариза язган. Эчке эшләр министрлыгы идарәсе хезмәткәрләре бу факт буенча тикшерү үткәрә.

Фото: lenta.ru