Бер яшьлек бала автомобильдә бикләнеп калган

Башкортстанда бер яшьлек бала автомобиль салонында бикләнеп калган. Бу хәл турында Сибай диспетчерлык хезмәтенә хәбәр итәләр. Шалтыраткан ата-ана парковкаланган Lada Largus автомобиле ишекләрен ачуларын сорый.

"Машина эчендә бер яшьлек бала иде. Махсус корал ярдәмендә коткаручылар автомобильнең ишеген ачып, баланы әти-әниләренә тапшырдылар, ул медицина ярдәменә мохтаҗ түгел, ә менә аның әти — әниләре шактый борчылган”,— диләр ведомство хезмәткәрләре.

Билгеле булуынча, тәүлек эчендә коткаручыларга ишекләрне ачуга биш тапкыр чыгарга туры килгән: өч очракта балалар өйдә ялгыз бикләнеп калган.

Мондый очракларда әти-әниләргә аеруча игътибарлы булырга, балаларны үзләрен генә калдырмаска кирәк.