Баланың да гомере өзелде...

18 февральдә Кырмыскалы районында юл һәлакәтендә җитди җәрәхәтләр алган 10 яшьлек кыз дәвахандә вафат булган. Бу хакта Башкортстан буенча Эчке эшләр министрлыгының ЮХХДИ идарәсе хәбәр итә.

Билгеле булуынча, Уфа-Ырынбур автомобиль юлының 50нче чакрымында Кумертауда яшәүче Volkswagen Polo автомобиле белән идарә итүче 41 яшьлек водитель “DAF” йөк машинасына бәрелгән иде. Нәтиҗәдә, ул үзе һәм аның 35 яшьлек хатыны авария урынында һәлак булган. Аларның 10 яшьлек кызларын Авыргазы үзәк район дәваханәсенә озатканнар. Кыз шушы көнгәчә комада иде, табиблар баланың хәлен авыр дип бәяләде...

Фото: katrenstyle.ru