Авыручылар саны артты

Бүген Кумертауда яңа коронавирус инфекциясе йоктыруның икенче очрагы теркәлгән. Бу хакта шәһәр башлыгы Олег Фроловның сүзләренә сылтама белән “Башинформ” агентлыгы хәбәр итә.

31 мартка республикада COVID-19 авыруының расланган җиде очрагы турында хәбәр ителде. Алар арасында — Европадан кайткан Кумертауда яшәүче 67 яшьлек хатын-кыз бар. Шәһәрдә вирус йоктыручыларның икенчесе кем булуы турында әлегә мәгълүмат бирелми.

Олег Фролов шәһәр халкын үз-үзеңне изоляцияләү режимын бозмаска, өйдә калырга һәм профилактикалау буенча барлык тәкъдимнәрне үтәргә чакырган. “Хәзер иң хәвефсез урын — сезнең йорт”, дип ассызыклаган ул.