Вирус чигенергә уйламый...

Узган тәүлектә Русиянең 32 төбәгендә коронавирус белән авыруның 582 очрагы теркәлгән, дип хәбәр итә коронавирус инфекциясенә каршы көрәш буенча оператив штаб. Бүгенге көндә илнең 78 төбәгендә барлыгы 4731 авыру теркәлгән. Хәбәр итүебезчә, Башкортстанда авыруның яңа очраклары юк.

Тәүлек эчендә ил буенча 52 кеше савыккан. Авырудан вафат булган тугыз кешенең җидесе - Мәскәүдә, Кострома өлкәсендә һәм Приморье краенда берәр очрак. Русиядә коронавирустан барлыгы 43 кеше үлгән.