Коронавирус янә 45 кешедә расланды

19 апрельгә алынган оператив мәгълүматларга караганда, узган тәүлектә республикада коронавирус белән авыруның 45 яңа очрагы ачыкланган. Шул рәвешле, коронавирус йогышы белән авыручыларның саны 297 кешегә җитте.

Тәүлек эчендә коронавирус белән авыручы ике пациент вафат булган. Алар икесе дә онкология авыруларыннан озак вакытлар җәфа чикте, дип белдерде бүген брифингта сәламәтлек саклау министры Максим Забелин.

Шулай итеп, 62 кеше - амбулатор күзәтү астында, 209 пациент - дәваханәдә. Моннан тыш, 24 кеше пневмония диагнозы белән дәваханәгә салынган.