Тәүлек эчендә +22

Бу хакта Федераль оператив штаб хәбәр итә. Тәүлек эчендә республикада тагын 22 кешенең яңа коронавирус инфекциясе диагнозы расланган. Шул ук вакытта алты авыру терелгән. Савыгып дәваханәдән чыгучыларның саны 26 кешегә җиткән.

Коронавирус диагнозы белән 14 кеше вафат булган.

Русиядә соңгы тәүлек эчендә 5 642 кеше коронавирус йоктырган, 427 пациент терелгән һәм 51 кеше һәлак булган.

Гомумән алганда, Русиянең 85 төбәгендә коронавирус инфекциясе 52 763 кешедә расланган.