Кайда газиз әнкәсе?..

Кичә Уфа халкы шау-гөр килеп Александр Невский урамындагы автобуслар тукталышында берүзе басып торган сабыйның әнисен эзләде. Шаһитлар сүзләренә караганда, ике яшьләр тирәсендәге сабый автобус тукталышында ике сәгатькә якын вакыт басып торган. Баланың өс-башы чиста, һава торышы буенча киенгән.

Эзләүләргә башкала халкы актив кушылды. Тиздән ана кеше табылды.

"Хөрмәтле уфалылар, барыгызга да рәхмәт! Баланың әнисе табылган. Шул исәптән сезнең ярдәм белән дә. Баланы танучылар булды. Әни кеше әле шундый хәлдә, анардан хәтта сорау алып та булмый...” — дип язган бу хакта социаль челтәрләрдә.

Кызганыч, малайның әнисе өйдә исерек хәлдә булып чыга...

Фото: социаль челтәрләрдән.