Әтиләр көнендә әти булды!

Җырчылар Гөлназ Асаева белән Вильдан Шәмсетдинов гаиләсендә сөенечле вакыйга. Бүген, 17 октябрьдә алар әти-әни булды – дөньяга кызлары аваз салды.

Бу турыда Гөлназ үзенең “Инстаграм” сәхифәсендә “Үзем язам, үзем ышанмыйм. Аллага шөкер”, дип язган.

Яшь гаиләне ихлас котлыйбыз! Яңа туган сабый әти-әни канаты астында бәхетле, тәүфыйклы, сәламәт сабый булып үссен!

Фото: социаль челтәрләрдән